Grilluðu stærsta hamborgara Íslands
24.09.2018
Grindvíkingurinn Alfreð Fannar Björnsson, betur þekktur sem Alli eða BBQ-kóngurinn eins og hann heitir á Snapchat, grillaði stærsta hamborgara sem grillaður hefur verið á Íslandi. Alli fékk til liðs við sig kokkinn Atla Kolbein Atlason og saman settu þeir stefnuna á 20 kg hamborgara, sem var kolagrillaður. Er skemmst frá því að segja að útkoman varð ekkert slor. 17,545 kg af hamborgara í allri sinni dýrð, eins og segir í frétt á vef Grindavíkur.