Afþreying og staðir

Söfn á svæðinu eru m.a. Listasafn Reykjanesbæjar og Bátasafn Gríms Karlssonar í Duushúsum í Reykjanesbæ, Orkuverið Jörð á Reykjanesi, Fræðasetrið í Sandgerði, Saltfisksetur Íslands í Grindavík og Byggðasafnið á Garðsskaga.

Þessu til viðbótar er ýmis afþreying í boði svo sem handverkshús (gallerí), golf, merktar gönguleiðir, hvalaskoðun og útsýnisflug. Nokkrar sundlaugar eru á Reykjanesi en Bláa lónið hefur algjöra sérstöðu meðal baðstaða og tengist þeim jarðhita sem er á svæðinu. Til jarðfræðinnar má einnig rekja brúna milli austurs og vesturs sem reist hefur verið yfir gjána milli jarðskorpuflekanna sem Reykjaneshryggurinn skilur að.

Á Reykjanesi er nú lögð mikil áhersla á heilsufars- og náttúrutengda ferðaþjónustu. Skrautfjöðrin er eitt af undrum Íslands, Bláa lónið. Það er orðið einn af vinsælustu viðkomustöðum ferðamanna, m.a. vegna nálægðar við Keflavíkurflugvöll og Reykjavík og þar eru nær óþrjótandi möguleikar til uppbyggingar og þjónustu, bæði á að auka núverandi starfsemi og bæta við nýjum þáttum heilsutengdrar ferðaþjónustu.

		Áhugaverðir staðir			Atburðadagatal		Afþreying		Ferðatillögur